Kathmandu:-
Header01.jpg
Saturday, 14 February 2015 19:37

कसले उचाल्ला कप । Featured

Written by - माङसेबुङन्यूज
Rate this item
(1 Vote)
फोटः आन्छुमे नशान, माङसेबुङ । फोटः आन्छुमे नशान, माङसेबुङ ।

माङसेबुङ / वि.सं. २०७१ फागुन ०२ शनिबार
जारी पवित्राहाङमा रनिङ गोल्ड कप महिला फूटबल प्रतियोगितको फाइनल खेल आज हुँदैछ । फाइनल खेलमा न्यू स्टार कीर्तिपुर मोरङ र कर्णसिं सोनाम स्मृति यूबा क्लब ताप्लेजुङ दिनको २ बजेदेखि माङसेबुङ खेल मैदानमा आमने सामने हुँदै छन्  । ५० हजार रुपैयाँ नगद र एकतोला सुन जडित ट्रफी कसले उचाल्ने भन्नेमा यतिबेला विभिन्न अड्कलबाजी चलिरहेको छ । 

कपको दर्बिलो दाबेदारीको रुपमा लिइएको न्यू स्टार अन्डर १४ राष्ट्रिय टोलीका दुई खेलाडीसहित मैदान उत्रदैँ छ । न्यू स्टारका कोच विरोज मगर कप उचाल्नेमा निर्धक्क छन् । उनमा अन्डर १४ राष्ट्रिय टोलीका कप्तान सरु सुब्बामा पूरापूर भर छ । उनी भन्छन्, ‘हामीसँग अन्तराष्ट्रिय प्रतियोगिताको अनुभव भएका खेलाडी छन् । खेल जित्नेमा ९० प्रतिशत विश्वस्तछु ।’ उनको भनाई विश्वास गर्नका लागि न्यू स्टारसँग राष्ट्रिय टोलीका गोल रक्षक सम्झना बस्नेत, अन्डर १५ राष्ट्रिय टोलीका खेलाडी अस्मु लिम्बू पनि छन् । साथै पूर्वाञ्चल टोलीका खेलाडीहरुको बर्चश्व छ ।

उता कपका अर्का दाबेदार टिम कर्णसिं पनि अन्डर १४ का र पूर्वाञ्चल टोलीका खेलाडीसहित मैदानमा उत्रदैँ छ । कर्णसिंसँग पनि अन्तराष्ट्रिय प्रतियोगिताको अनुभव बटुलेकी अनुसा थेबे र छैटौं राष्ट्रिय खेलकुद प्रतियोगितामा सहभागी खेलाडीहरुको बर्चश्व छ । टोलीका कप्तान छम्बु गुरुङ भन्छिन्, ‘खेलमा यसै भन्न सकिन्न । तर, कसरी खेल जित्ने भन्ने रणनीति हामीले बनाएका छौं ।’ 

दुवै टोली पहिलो चरणमा बाई पोलमा रहेकाले सिधै सेमी फाइनलमा प्रवेश गरेका थिए । न्यू स्टारले राष्ट्रिय टोली, विभागीय टोलीका खेलाडी सहभागी भएको टिम फाल्गुनन्द बोर्डिङ स्कूललाई ३–१ को अन्तरले स्तब्ध पारेर उच्च मनोबल बटुलेको छ । उसले राष्ट्रिय टोलीका कप्तान मन्कु लिम्बूले नेतृत्व गरेको टोलीलाई अप्रत्यासित रुपमा प्रतियोगिताबाट पाखा लगाएको थियो । उता कर्णसिंले पनि राम्रा खेलाडीहरु सम्मिलित आयोजक बीलाई ६–० को फराकिलो गोल अन्तरले पराजित गर्दै राम्रो लयमा प्रदर्शन गरेको छ । शारीरिक रुपमा बलिया देखिएको कर्णसिं टेक्निकल रुपमा राम्रो न्यू स्टारबीच कस्तो परिणाम आउने हो यसै भन्न सक्ने अवस्था छैन ।

शुरुदेखि नै खेल हेरिरहेको कविन लाओती ताप्लेजुङले जित्नेमा विश्वस्त छन् । उनी भन्छन्, ‘सेबेन साइजको खेल मैदानमा पावर गेम टेक्निकल भन्दा भरपर्दो हुन्छ । ताप्लेजुङसँग पावर गेम छ ।’ तर, कल्पना साउदेन भने न्यू स्टारले कप उचाल्नेमा निर्धक्क छन् । मोरङसँग टेक्निकल खेल रहेको उनको दाबि छ ।

Read 2521 times Last modified on Sunday, 07 June 2015 09:37

Leave a comment

Make sure you enter the (*) required information where indicated.\nBasic HTML code is allowed.

Facebook - MEWANAMBIN.COM Fans Page - Click on "LIKE" Button below

Phalgunanda Travels & Tours

Phalgunanda Travels&Tours

Phalgunanda Travels & Tours Pvt. Ltd. Company currently situated in the eastern part of Nepal, Damak, Jhapa established in 2012.

Siteground Hosting

SITEGROUND HOSTING

"The best web hosting in the world". NEED MORE FOR YOUR WEBSITE? UPGRADE TO A HIGHER HOSTING SOLUTION Check out our cloud and dedicated hosting services for the most suitable hosting solution to help your website grow. The highlights of our high-level hosting services are: *More and guaranteed server resources* *Extra website performance boosts* *Scalable solutions for greater management freedom* SITEGROUND HOSTING

We have 100 guests and no members online